Fri, 25 Jun 2021

Cebuano News: PCOO, gipasidunggan og prestihiyosong int'l awards

Philippine Information Agency
15 May 2021, 18:38 GMT+10

TAGBILARAN CITY, May 14 (PIA) -- Nidaog sa prestihiyosong Stevie Awards ang Presidential Communications Operations Office (PCOO).

Pito ka major awards ang nasakmit sa PCOO apil na ang Media Hero of the Year ug Government Hero of the Year.

Giila sa Stevie awards ang padayon nga pagpaningkamot sa PCOO aron maalagaran ang publiko sama sa paghatag niini og saktong impormasyon karong panahon nga may pandemya.

Nadawat ni PCOO Kalihim Martin Andanar ang "Media Hero of the Year" Award tungod sa madasigon niyang paghatod og balita ug impormasyon sa mga Pilipino.

Apil na niini ang Laging Handa Dokyu, Network Briefing News ug Public Briefing #LagingHandaPH programs.

Nagpasalamat si Andanar sa pag-ila sa mga paningkamot sa PCOO.

"It is an honor for the PCOO to be recognized by a prestigious award-giving body like the Stevie Awards. Winning multiple awards is an even greater compliment for the work that we do. The recognitions are a testament to our mandate as the government's premiere communications arm," pahayag sa PCOO kalihim.

Gawas kang Andanar, nakadawat usab og award si PCOO-Office of the Global Media and Public Affairs (PCOO-OGMPA) Assistant Secretary JV Arcena.

Gipasidunggan si Arcena og Gold Stevie Awards human giila isip "Government Hero of the Year" ug "Media Hero of the Year."

Nakadaog usab ang Virtual Presser ug Virtual Reporting Tour (TVP-VRT) sa PCOO og Silver Stevie Award for Innovation in Media, Visual Communications & Entertainment ubos sa kategoryang Awards for Innovation in Product Design and Development.

Ang 'Laging Handa Dokyu: Ito ang Totoong Kweno' nakadawat usab og Bronze Stevie Award for Innovation in Documentaries ubos sa Awards for Innovation in Video Category.

Samtang ang PCOO Laging Handa COVID-19 Communications Digital Campaign nakadawat og Bronze Stevie Award for Best Use of Social Media-COVID-19-related Information.

Nagtuo si Andanar nga pagmatuod kini sa ilang paningkamot sa paghatag og impormasyon nga gikinahanglan sa publiko.

"Our wins are solid proof of the quality and hard work put in by our dedicated personnel and their professionalism in performing their tasks and in serving the public, by providing them with timely, truthful, and useful information," matud pa ni Andanar.

Mga 900 ka nominasyon gikan sa nagkalain-laing nasod sa Asia-Pacific region ang gikonsidera sa 2021 Stevie Awards.

Ang PCOO ang buhatan mga nagdumala sa pagpakatap sa opisyal nga komunikasyon sa pangulo sa Pilipinas.

Kini usab ang buhatan nga nagdumala sa mga media nga gipanag-iya sa gobyerno ug adunay tulobagon sa akreditasyon ug pagpamatuod sa mga nabansay nga langyaw nga correspondent sa media. (ecb/PIA7-Bohol)

More South Korea News

Access More

Sign up for South Korea News

a daily newsletter full of things to discuss over drinks.and the great thing is that it's on the house!